Էլեկտրոնային գրադարանի շնորհանդեսը

Օրերս ՀՀ ԱՆ Առողջապահության ազգային ինստիտուտում տեղի ունեցավ բժշկությունում Up To Date  էլեկտրոնային գրադարանի համակարգչային համակարգի ներդրման շնորհանդեսը: Այն ներկայացրեց ԱՊՀ-ի և Եվրոպայի գծով գլխավոր մենեջեր Օտմար Մյուլերը:

Up To Date համակարգը բժիշկների համար է, այն ինֆորմացիա է պարունակում ապացուցողական բժշկության մասին և օգտագործվում է անմիջապես հիվանդի անկողնու մոտ կլինիկական լուծումներ գտնելու  համար, ունի իր վեբ-կայքը: Համակարգը տարածված է նաև Հարվարդի համալսարանի սկսնակ բժիշկների շրջանում: Հետագայում այն դարձավ կոմերցիոն:

Up To Date  ապացուցողական բժշկության հիմունքների (EBM) գործիքներն են, հիվանդի խնամքի վերաբերյալ տեղեկատու հանձնարարականներ ներկայացված աշխարհի ավելի քան 5000 առաջատար բժշկական փորձագետների կողմից:

Up To Date համակարգն ընդգրկում է 19 բժշկական մասնագետությունների կլինիկական ամբողջ սպեկտրը: Համակարգը համադրում է բժշկական առավելագույն տեղեկատվություն` հիմնված ապացուցողական բժշկության, կլինիցիստների գործնական հանձնարարականների վրա: Այն մշտապես նորացվում է, բուժանձնակազմի և բժիշկների ծագած հարցերին տալիս է կարճ և  հստակ պատասխաններ:

Տարբեր երկրներում ապացուցվել է Up To Date-ի դրական ազդեցությունը բուժսպասարկման որակի վրա: Ծրագիրն արդեն 20 տարի գործում է,  ԱՄՆ-ում 80% բաժանորդ է առկա: Համակարգի ներդրման շնորհիվ 60%-ով լավացել են բարդությունները, 10%-ով նվազել մահացությունը:

Այսօր Եվրոպայում կիրառվում են չափորոշիչներ, որոնց շնորհիվ բուժվում են հիվանդների 90 տոկոսը: Համակարգում առկա են նաև բազային տվյալներ դեղերի անհամատեղելիության վերաբերյալ: 

Շուտով հանրապետության շատ հիվանդանոցներում հնարավոր կլինի օգտագործել այդ համակարգը, ինչպես այն վերջին 4 տարիներին օգտագործվում է Մ.Հերացու անվան պետական բժշկական համալսարանում: 

Ինչպես նշեց բանախոսը, Հունգարիայում, Բուդապեշտում ևս այն սկսել էր գործել մեկ հիվանդանոցում, հետո տարածվելէ  ամբողջ երկրում:«Up To Date համակարգի միջոցով հնարավոր են նաև շփումներ գործընկերների հետ, նույնիսկ այս կամ այն մեթոդի հետ անհամաձայնության դեպքում կարելի է բանավիճել, լրացուցիչ հարցեր ուղղել տվյալ մեթոդի հեղինակին և 24 ժամվա ընթացքում պատասխանը ստանալ: Հուսով ենք, որ Հայաստանում այն նույնպես լայն տարածում կգտնի», - հավելեց Օտմար Մյուլերը: 

Հարցեր, պատասխաններ, մեկնաբանություններ